ابوذية – يدهري بهاي ولة بذيج……. وصاك وهاك
يدهري بهاي ولة بذيج……. وصاك
وهاك اخذ مني الشيك……. والصك
اني الجنت ادور الزين……… والصاك
هسة العاوي ظل يتمندل علية
_____________________
ابوذية – الك ياما دليلي ارتجل….. ونشد وحبلي
الك ياما دليلي ارتجل….. ونشد
وحبلي وياك حيل انعكد ….ونشد
اهيم ابذكر طرواك………… ونشد
واحس اعضاي كلهن مو اليه.
_____________________
ابوذية – الحب بحجر سجيــــــــل …… رجماي ودمع لجفن
الحب بحجر سجيــــــــل …… رجماي
ودمع لجفن فوك الوجن …… رجماي
حبيبي لو طلب فد يوم …… رجماي ( رقماي )
نطيتة الرقم والهاتف سويــــــــــــة
_____________________
لاابوذية – تنادي على المحب وينك واريدك حبيبي بشرياني انته
تنادي على المحب وينك واريدك
حبيبي بشرياني انته واريدك
صاح القلب حبيتك واريدك
اعيش ابلا قلب ترضاها اليه
_____________________
ابوذية – اللــيالـــي عـــن ودادك مــالهنة ودليلي بـغيـــر شخــصك
اللــيالـــي عـــن ودادك مــالهنة
ودليلي بـغيـــر شخــصك مالهنة
دمعي عليك الاصلي مال اهلنة
ودمــع تـمســـاح بعـــيونك عليّه
_____________________
ابوذية – حبك صاغ كلبي وانتجنه يريدك إن تعذبه وإن
حبك صاغ كلبي وانتجنه
يريدك إن تعذبه وإن تجنه
شلون تضن اعوفك وانت جنه
إذا عفتك جهنم تصفه ليه
_____________________
ابوذية – أضعفت ما واحد بربعي … گواني
أضعفت ما واحد بربعي … گواني
وشلت حملي على جتافي … گواني
اموتن جوع وابقى البس … گواني
ولا فد يوم امدلهم اديه.
_____________________
ابوذية – قدر مكتوب حبك مانة قسمة ولن الواحد
قدر مكتوب حبك مانة قسمة
ولن الواحد من نقسمة مالة قسمة
ولن اسيوف كلبي من نقسمة
دشوف حبك شمسوى بية
_____________________
ابوذية – رماد النار تاليه من الذل وشتفيد الروح
رماد النار تاليه من الذل وشتفيد الروح ياصاحب من ذل شعجب للحية ماتكرص من الذيل بس انا حيتي من الذيل اوجرت بيه
_____________________
آنة بكآروك حبك وانت هزني صرت فرصة بحياتك
آنة بكآروك حبك وانت هزني
صرت فرصة بحياتك وأنتهزني
آنة شجرة محبتك وأنت هزني
وخلي ألورد يتناثر علية
_____________________
ابوذية – ولتني جفوف هجرك زنكه زنكه وحياتي اصبحت بالهم
ولتني جفوف هجرك زنكه زنكه
وحياتي اصبحت بالهم زنكه زنكه
مثل قذافي اصيحن زنكه زنكه
واشن حروب من تبعد عليه ..
____________________________
ابوذية – دكلي شغيرها السبعة ورة الست وخلص عمرك
دكلي شغيرها السبعة ورة الست
وخلص عمرك تسير انتة ورة الست
ابشرك راح افرمته ورست
حياتي وذكرياتي وكل شي اليه
____________________________
ابوذية – عطشان وكلتله ارويني ماما اشو ماقبل يروي
عطشان وكلتله ارويني ماما
اشو ماقبل يروي وكال ماما
يكلي بالله اصيح عليك ماما
علوى لو يصيح امه عليه
____________________________
ابوذية – اتركني يل ورة حدود الوطن ..عديت وانا بصبري
اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن علية
____________________________
ابوذية – وحكَ الياهو والكَوكَل الكروم الذهب مايلمع بعينك والكروم
وحكَ الياهو والكَوكَل الكروم
الذهب مايلمع بعينك والكروم
ألك جات بوسط كَلبي والك روم
وتظل مشرف وسط روحي عليه
____________________________
ابوذية – شوف الذهب مغشوش وانت سالم اريد كل الناس
شوف الذهب مغشوش وانت سالم
اريد كل الناس تموت وانت سالــــم
كلب كلب المن غناها محمد السالـم
الــــك يا اعــــز من كلـــــــبي عليا
____________________________
ابوذية – يهل ناديت بسمي هواي..عيده ويل ماخذ دليلي وياك..عيده
يهل ناديت بسمي هواي..عيده
ويل ماخذ دليلي وياك..عيده
الگلب مو بس بعد رمضان..عيده
عندي العيد من نگعد سويه
____________________________
ابوذية – اليوم جايبلكم اشلون ابوذيات أومضات بيهة للعشاق وبيهة
العمر ياصاح من هجرك تمرمر بدليلي سهام شماتي تمرمر للشاعر رائد ابو فتيان أنشدك هم كبل ضايك تمر مر التمر مر بغيابك مر عليهماظل كل عظم صاحي دهدهن تجرجر بالمصايب شو دهدهن ولك دمعات البعينك دهدهن عليمن حابس دموعك خطيه غيابك خلل اعضامي وهدهن وجر حسرات ببعادك وهدهن الي دمعات لو أبجي وهدهن تفيض اليابسه ونغرك سويه مثل ماي شيكضك وانت جاري وبس ماشي اليودك وانت جاري تعذبني بمحبتك وانت جاري واظن رب العرش وصاك بيه وحق أية تبارك وأنتنازل وحق مصة أشفافك أنت نازل اذا بغداد دارك وانت نازل أسويلك سحر وترد اليه حزن دنياي تمطر ماصحتلي وردت فرصه اشوفك ماصحتلي وكفت اكبال عينك ماصحتلي صحتلك مادرت وجهك عليه سوالف راحن ابالي وجن حين وحيل اتسودن بحبك وجن حين كلب طير ارتجي من الله وجن حين اطيرن ليك بيهن كل مسيه رفعت اعلام حبنه فالسرايه وهزمت جيوش خوفي فالسرايه قره القرأن كلبي فسر أيه ولكاك تجوز دنيه ودين بيه ينادر تكتل بطبعك وندراك ويمته الطيبتك نوصل وندراك أخو للكلفه اعرفنك وندراك ذخر للدنيه من اتميل بيه هواء انت بغيابك قل هوه الله أحبك كلمه حلوه قله والله اذا لم تقل أقرا قل هوه الله مع الحمد لكي انهي القضيه حرت ين الاتاني ماتاني ومو ميه الشماته ماتاني اتاني والاريده ماتاني اجه المارايده وغف عليه رمش عيني اعله دربك شفته كالناس وانه بلا ناس شفتك شفته كالناس احذر لون است شفتك الناس اليموت بركبتك تبقه الخطيه دمع وحزان حبك هيج أذاني والك مجبور اكضلك هيج أذاني تدري انه من اصلي هيج أذاني أشهد ان حبك مو بديه عجب تنكر اطلبك وانه دينك تعال اوكف اكبالي وانه دينك اذا حبي اللهاك وانه دينك تشرك بس تح واحد عليه أصيله الروح تنشد من خيالي وافز مرات اخافن من خيالي شكثر حاولت احذفك من خيالي خيالي انحذف وانت الهسه بيه ماشفتك لجن ذني كفن بيك رسم بالنحت الوجهك كفن بيك بياضك هذا لو كلي كفن بيك أحس اثنينهن تاهن عليه نحب شخصك اذا مريت ونجل وعلينه شهود الك توراة ونجل جذب ماون عليك الكلب ونجل وتيتم جيل من فركاك اليه عضامي من برود البك صليت وعلى راسي نار الغطه صليت درت وجهك عليه وكمت صليت يحسنك تيهه القبله عليه
____________________________
ابوذية – انه كبالك مصيبة منشدهه روحي عللجرالي منشدهه
انه كبالك مصيبة منشدهه
روحي عللجرالي منشدهه
تدري جروح كلبي منشدهه
تطك وضمادهه تسويه شظية ؟
____________________________
الأربعاء أبريل 24, 2013 6:20 pm من طرف 
